კატალონია არჩევნებისთვის ემზადება

კატალონია საარჩევნო უბნებზე მისასვლელად ისევ ემზადება. ამჯერად ესპანეთის ამ პროვინციის მცხოვრებლებმა რეგიონის ახალი პარლამენტი უნდა აირჩიონ. კატალონიის ჟენერალიტეტის წინა მეთაურმა კარლეს პუჩდემონმა უკვე განაცხადა, რომ სამშობლოში დაბრუნებას არ აპირებს და საარჩევნო კამპანიას ბელგიიდან წარმართავს. არჩევნები კი კატალონიაში 21 დეკემბერს არის დაგემილი.

კარლეს პუჩდემონი, კოალიცია „ერთად კატალონიისთვის“

ყველაზე მარტივი გზა იმის გასაგებად, თუ რას ნიშნავს  მოახლოებული არჩევნები ის იქნება, რომ მას 1 ოქტომბრის ხმის მიცემის მეორე ტური ვუწოდოთ. მათ ტყუილად ჰქონიათ, რომ ჩვენ ყველაფერი დავივიწყეთ. მათ იმედი აქვთ, რომ ჩვენ აღარ გვახსოვს საპოლიციო განუკითხაობა და ის ძალადობა, რომელიც თან ახლდა ჩვენს რეფერენდუმს.

არჩევნებში მონაწილეობას ყველა ძირითადი პოლიტიკური ძალა გეგმავს. მათ შორის არის პარტია „კატალონიის მემარცხენე რესპუბლიკელები“ და ეს იმის მიუხედავად, რომ ესპანეთის სასამართლომ პარტიის ლიდერი ორიოლ ჟუნკერასი პატიმრობაში დატოვა და გირაოთი გათავისუფლებაზე უარი უთხრა. მემარცხენე რესპუბლიკელები სასამართლოს გადაწყვეტილებას მორიგ უსამართლობას უწოდებენ. თუმცა პოლიტიკოსთა ნაწილი დიამეტრალურად საპირისპირო პოზიციას იკავებს.

ალბერტო რივერა, პარტია „მოქალაქეების“ ლიდერი

ჩვენ საკუთარ თავს და ჩვენს მომხრეებს სეპარატიზმის ალტერნატივად განვიხილავთ. ეს კამპანია ყველა გაგებით უმნიშვნელოვანესია. როგორც კი არჩევნები ჩატარდება, ახალ ფაზაზე გადავალთ – სიმშვიდე და ერთიანობა უნდა დავიბრუნოთ. წინააღმდეგ შემთხვევაში ახლანდელი ვექტორი გაგრძელდება, რომელიც საზოგადოების გახლეჩისკენ არის მიმართული და მომდევნო 4 წელი კვლავ ამ პირობებში ჩვენ ვეღარ ვიცხოვრებთ.

ესპანეთის ერთიანობის მომხრე პარტია „მოქალაქეებს“ არჩევნებზე გამარჯვებას უწინასწარმეტყველებენ. ეს პარტია გამოკითხვების თანახმად, სავარაუდოდ, ხმების 22 პროცენტს მიიღებს. მემარცხენე რესპუბლიკელებს კი კატალონიელთა 20 პროცენტი უჭერს მხარს. მესამე პოზიციაზე პუჩდემონის კოალიციაა 17 პროცენტით.

Total 0 Votes
0

Tell us how can we improve this post?

+ = Verify Human or Spambot ?

Post Author: როჯერ ო. ტორნჰილი

როჯერ ო. ტორნჰილი
გამუდმებით რაღაც უცნაურ ამბებში აღმოჩნდება ხოლმე გახვეული. ეგებ იმიტომაც, რომ დაუჯერებელი ისტორიების შეთხზვა უყვარს და ამას ისეთი ოსტატობით აკეთებს, რომ თანამოსაუბრე იბნევა კიდეც, რაკი ტყუილსა და მართალს შორის საზღვარს ვეღარ პოულობს. ეს სასაცილოა, მაგრამ ხშირად მომხდარა, რომ საკუთარი ტყუილების ლაბირინთში დაკარგულა და ეს ამბავი დავიდარაბით დასრულებულა. აკი, ვთქვით, რომ სულ რაღაც ამბებში ეხვევა.

Leave a Reply

Your email address will not be published. Required fields are marked *